Page 1 - korrels-2-2025
P. 1
HOE KAN ONS
LEEF TOT EER VAN GOD?
Hierdie jaar dink ons na oor die vraag: “Hoe
kan ons leef tot eer van God?” Gedurende
kwartaal een het ons gefokus op ons fondasie.
Die NG kerk staan gegrond op die Bybel as die
heilige en onfeilbare Woord van God. Ons kan
begin by die Bybel en daaruit leer wie God is
en hoe ons as dissipels kan leef.
Wanneer ons fondasie reg is, dan is dit soos
goeie grond. ‘n Sterk boom kan groei vanuit
goeie grond en dan ook blomme dra. Ek is mal
oor blomme! Een van my gunsteling blom-
soorte is sonneblomme. Dit is eintlik vreemd
omdat ek nie vreeslik hou van die kleur geel
nie. Maar sonneblomme laat my altyd glimlag.
Ek assosieër nou al sonneblomme met blyd-
skap en dankbaarheid.
