Page 3 - Korrels Winter uitgawe 3-2025

Vanjaar kon ons werklik met vreugde lewe vir Christus met die groot
geestelike feeste op die kalender van die eerste halfjaar.
In die derde kwartaal, Koninkrykstyd, moet ons rustig raak en na
binne kyk. Hoe lyk ons lewe tot eer van Christus? As ons kyk na hoe
ons lewe, ons betrokkenheid by die kerk en wêreld rondom ons, waar
vind ons dat woord en daad mekaar ontmoet? Waar reik ons uit? Laat
ons stil word en hoor wat die Here vir ons wil sê.
Mag ons wandeling deur Korrels ons versterk om vreugde te vind in
standvastige hoop, terwyl ons steeds volhard in gebed. Rom. 2:22.
Mag ons woord en daad mekaar vind en blom in sukses waar ons
wegspring met die gemeente basaar. Die winterbasaar is die stempel
van NG Gemeente Margate en ʼn vreugde-ervaring vir besoekers van
die Noorde en oraloor.
Bestudeer gerus die kalender vir die volgende drie maande en vind
ʼn saak of geleentheid waar jy met woord en daad blydskap kan uitdra
in die wêreld, daar waar God jou geplaas het.

Mag die God van hoop ons deur ons geloof
met alle blydskap en vrede vervul,
sodat ons hoop oorvloedig kan word
deur die krag van die Heilige Gees.
Romeine 15:13
Groete.
Elda.

Paulus sê: Verbly julle in die hoop.
Rom 12:12

3