Page 9 - Korrels Winter uitgawe 3-2025

Goeiemôre hier vanuit die Village, waar ons kom aftree het - of só
gedink het. Met soveel aktiwiteite wat aangebied word, het ʼn week te
min dae!

Daar is geen behoefte waarvoor daar nie voorsiening is nie. Vir ons,
medegelowiges, is hier tot ʼn pragtige kapel wat deur verskeie geloofs-
genootskappe op georganiseerde wyse kerkdienste gehou word. Dr.
Mike Heaney het kort na sy aanstelling as leraar by Margate NG
Gemeente, ook vir ons tyd ingepas gekry - 11:15 elke derde Sondag
van die maand. Wat ʼn voorreg.
In die Village is daar twee wyke, almal bo sestig, meeste in die se-
wentigs en tagtigs, maar moenie die negentigs vergeet nie. Dit be-
teken dat heelparty dit moeilik en selfs onmoontlik vind om die groot
kerk te besoek, weens moeilike toeganklikheid
bekend aan almal. Die dienste word ook byge-
woon deur gemeentelede van buite die Village,
vir dieselfde rede. Die waarde van hierdie
fasiliteit en erediens eenkeer per maand vir die
wat dit bywoon, is onvervangbaar. So kan ons
steeds deel van die gemeente voel, met een
van ons eie leraars agter ʼn kanseltjie - ʼn regte
erediens in ʼn regte kerk met ʼn orrelis wat sang
begelei. ‘n Mens wonder soms of die res van
die gemeente die waarde besef wat dié ere-
diens vir hierdie geloofsgenote het. Dit is die
derde punt van Woordverkondiging in hierdie Kapel by die Village
gemeente en min mense besef dit.
Hierdie jaar was ons ryklik geseën. Die derde Sondag van die
maand was op Paassondag - iets wat niemand kon onthou wanneer
dit laas gebeur het nie. Baie dankie ds. Lerisa vir jou ongelooflik tref-
fende Opstandingsboodskap:
“Ons het ons Here gesien ”
Ons is dankbaar dat ons Hemelse Vader ons in hierdie veilige hawe
geplaas het en dat Margate NG Gemeente nie van ons vergeet nie.
Hilda & Elda.
Seënwense.

9