Page 27 - C:\Users\ELDA\AppData\Local\Temp\mso34C3.tmp

STUDENT vir JESUS

ʼn Boom geplant in Christus

Ek is hierdie jaar bewus van hoe die seisoene verander. Een oomblik is
dit somer, dan skielik waai die wind die blare van die bome af en as jy jou
oë uitvee is ons in die hartjie van winter. Hierdie is nie net simboliek van die
fisiese seisoene wat verander nie, maar herinner my aan ons lewe se sei-
soene wat oornag kan verander. Dit kan een oomblik met ons goed gaan en
die volgende oomblik sleg of selfs andersom. Ek besef ook dat ons geen
beheer het oor die seisoene van ons lewe nie, en dat die Here die een is
wat ons lewe en selfs die seisoene van ons lewe in Sy hande hou.
In Psalm 1:2-3 staan daar dat die wat die Here se woord bestudeer, dit
dag en nag oordink “is soos ʼn boom geplant langs waterstrome, wat vrugte
dra op die regte tyd. Sy blare verwelk nie; in alles wat hy doen, is hy voor-
spoedig.” Vir ʼn oomblik, stel jouself voor dat jy ʼn boom is en vra jouself af
waar jou wortels geplant is. Is dit geplant in die hoop wat die wêreld gee?
Of is dit geplant en gewortel in God alleen? Vat dan ʼn oomblik en gee die
wortels, die veld en die fondasie van jou lewe oor aan die Here.
As jou wortels diep in die Here geanker is, hoef jy nooit te vrees as die
winde waai en storms kom en die seisoene van jou lewe skielik verander
nie, want jy is geplant in die hand van die Here wat die wind en see met een
woord laat bedaar.
My wens vir jou vir die res van 2024 is om jou hele lewe weer aan God
oor te gee en jou wortels dieper te laat groei in die fondasie van sy Woord
en Wese. Meeste van alles is my wens dat die boom van jou lewe immer-
groen sal wees en nie verwelk soos wat seisoene verander nie, maar net
mooier en groter sal groei. Mag die boom van jou lewe skadu bied vir ander
wat verbykom, mag dit ʼn baken wees vir die volgende generasie en mag dit
meeste van alles die Here se heerlikheid vir ander weerspieël.
Psalm 23 verduidelik dat as ons na die Here smag, soos ʼn boom geplant
by ʼn waterstroom, sal ons oorvloed en totale vrede vind in die arms van sy
Heilige Teenwoordigheid. Mag jy soos wat jy die wortels van jou lewe op-
nuut in die Here se hand plaas
in verwondering staan oor Sy
wese wat jou alomteenwoordig
omvou en jou immergroen laat
skyn deur al die seisoene van Liefde.
jou lewe. Chrizaan
27