Page 21 - Korrels 2-2024 Herfs uitgawe

Barmhartigheidsbediening

In die lig van die feit dat die somer uitgawe van Korrels net ons bele-
wenis oor vyftig jaar weergegee het, begin ek vandag by die einde
van 2023.
Dit was ‘n vreugdevolle belewenis toe ons Desember kospakkies
aflewer en die verbasing en dankbaarheid op mense se gesigte sien.
Dankie vir al die verrassings wat ons kon insluit. Dit is nou sonder om
te praat van ons kinders se vreugde en blydskap tydens die jaarlikse
Kersboompartytjie. As ʼn bonus was daar ʼn wonderlike en indruk-
wekkende vertoning van verskeie soorte honde wat grasieus deur hul
toertjies gaan. Daarna kon die kinders die diere vashou en troetel.
Hul belewenis daarvan het werklik trane in ons oë gebring.
Hierna was die uitdeel van verskeie eet- en drinkgoed, asook die
geskenkpakkies aan ons kinders en ouers, beslis ‘n groot hoogtepunt.
Traantjies het vryelik gevloei onder oud en jonk. Soveel vreugde en
geluk kan nie in woorde vasgevang word nie. Voorwaar ‘n wonderlike
en geseënde dag.
Ons was bevoorreg om hierdie geleentheid te kon bywoon en er-
vaar. Dit sou nie kon plaasvind as dit nie vir die wonderlike bydrae
van ons gemeentelede, die kerkraad en ons fantastiese komitee was
nie.
Baie dankie aan elkeen wat ʼn bydrae gemaak het. Mag 2024 nog
meer geseënd wees as wat ons in die verlede beleef het. Dit is van-
jaar ons Jubeljaar. Kom ons leef steeds tot eer van God wat ons ge-
leer het om te gee. Laat ons daaroor jubel in dankbaarheid vir sy ge-
nade.
Seënwense. Giel Minnie.

Oorvloedige gawe

Almagtige en ewige God, wat altyd meer bereid is
om te luister as wat ons is om te bid,
en wat altyd meer gee as wat ons begeer of verdien:
U vergewe ons al die dinge wat ons gewete vrees,
en gee ons al die goeie dinge wat ons nie werd is om te vra nie,
behalwe deur die verdienste en bemiddeling van Jesus Christus,
u Seun, ons Here.
Amen

21