Page 16 - Korrels 2-2024 Herfs uitgawe

Gebedsbediening

Dank God
vir Sy Genade

Iemand het lank gelede
vir my gesê dat ʼn Christen ʼn
dankbare mens is. Vandag besef ek dat
dankbaarheid ʼn keuse is. God is ʼn God van
genade. Besef ons waarlik die omvang en grootheid van
God se genade? Hy wat ons liefhet met ʼn ewige liefde. Hy wat ons
weer en weer vergeef en elke keer optel as ons geval het en dan
veilig koester teen sy bors.

Ons dank God dat Hy vir ons sorg soos Hy vir die mossie sorg.
Niemand kan twyfel oor hoe goed God regtig is nie. Sy goedheid
kan nie ten volle beskryf word nie. Hy loop oor van goedheid en
guns.
Kom ons leef in dankbaarheid oor die feit dat Hy ons elkeen per-
soonlik op ons naam geroep het en dat ons aan Hom mag behoort.
Dank Hom dat Hy ons uit genade gered het deur Jesus Christus.
Kom ons neem die redding wat Hy bring met dankbaarheid aan.

Kom ons dank ons genadige God dat Hy ons elkeen met ʼn doel
gevorm het in die moederskoot. Kom ons dank ons Baken Van
Hoop wat nie wil hê dat ons bang moet wees in hierdie onsekere
tye waarin ons nou leef nie. Dankie vir die belofte van ʼn genadige
God wat by ons en in ons is en wat ons deurdra deur elke beproe-
wing. Ons loof en dank God wat ons veilige fondasie is.
Ons bid in afhanklikheid van die Heilige Gees om ons te help om
ook soos God genadig te wees teenoor ons medemens. Ook om
mekaar te vergewe soos Hy weer en weer doen.

Diedie (Margate)
en
Suzette (Port Edward).

16