Page 19 - Korrels 2-2024 Herfs uitgawe

Pro Deo

Met verlede jaar se Algemene Jaarvergadering,
het ek Pro Deo Care Group vergelyk
met ʼn groot stoomtrein
wat nie gestop kan word nie.
Hierdie trein beweeg net vorentoe en vat al die
passasiers na hulle verskeie bestemmings. Die trein se brandstof
word voorsien deur groot opofferings, deursettingsvermoë, liefde en
gebede.
God is die drywer van die trein. Ons bedien die broos en ouer pas-
sasiers op hul reis. Ons help hulle opklim en afklim. Ons verwelkom
hulle, gee hulle kos, sny hulle hare, doen hulle voete, kyk na hulle ge-
sondheid en hou hulle warm. Ons luister na hulle probleme en ver-
troos hulle. Ons besoek hulle en sit ʼn dienswerker langs hulle as hul
siek is. Ons bid saam met hulle. Die gevoel van warmte en dankbaar-
heid omvou hulle. Op hierdie trein is God in beheer en ons kan net
God dank vir sy genade.
Jy moet regtig nie die trein verpas nie. Daar is plek vir almal en ont-
hou om die rit te geniet!
Ons het in Februarie begin met ons gesondheidsklinieke in Port
Edward (Henda Olivier), Margate (Lucia Groenewald), Anerley Haven
Frail Care sentrum (Eloïse) en ook weer by Port Shepstone (Eloïse).
Dit is hier waar die jongmense bo sestig jaar bederf word en heerlik
saam met al ons Pro Deo-vrywilligers kan kuier.
Die bystand by die kankerklinieke word nog steeds verskaf. Mary-
Ann help by die klinieke.
Ons jaarplan sluit ʼn fietstoer, gholfdag en ʼn besigheidsontbyt in. So
tussendeur gaan ons ʼn paar vasvra-aande hou.
Besoek ook Pro Deo se webwerf, www.prodeocare.org.za en ʼn Fa-
cebook-blad, ―Pro Deo Care Group‖. Daar word al ons aktiwiteite en
foto‘s gedeel.

Ons benodig asseblief vrywilligers wat hulle hulp en tyd kan gee by
die gesondheidsklinieke. ʼn Bordjie eetgoed of hulp om koffie en tee
te skink sal regtig baie help.
Baie dankie aan NG Kerk Margate vir die gebruik van die Jeughuis
en die stoorplek.
Vriendelike Pro Deo groete,
Koos Groenewald
19