Page 15 - Korrels 2-2024 Herfs uitgawe

Daarom dank ons God ook vir die gawe van lofprysing. Ons is

dankbaar dat ons deur musiek ook met die Here kan praat. Ons weet
ons leef in ʼn nabye verhouding met God. Niks kan ons van God se
liefde skei nie. Dit gee ons die moed om elke nuwe uitdaging aan te

pak. Ons weet ook dat God ons beskerm, selfs in moeilike tye. God se
wil sal geskied. Deur dit alles is ons baie dankbaar vir God se gawe

van genade. Ons is dankbaar dat God genadig is teenoor ons, maar
ons is ook dankbaar dat God óns harte sag maak. Ons weet dat ons
almal kinders van God is, so gemaak deur Christus. Daarom kan ons

met ons hele wese God loof en dank, want God het al hierdie gawes
vir ons gegee!

Kom gesels hierdie kwartaal saam met ons
in die Kinderkerk, Kompas Tienerbediening en die Belydenisklas
oor wat dit beteken om dankbaar te wees!

Groete.
Ds. Lerisa Meyer.

15