Page 10 - Korrels 2-2024 Herfs uitgawe

ONTMOET JOHAN RADEMEYER
die nuwe WEBMEESTER

Johan vertel: ―Ek is in Zambië (Noord Rhodesië) gebore en in 1960 het
my ouers Suid Afrika, Pretoria, toe verhuis. Ek het skool gegaan in Pretoria
en 'n paar jaar op Brits. Na hoërskoolopleiding 24 maande weermag toe en
vir een-en-twintig maande in die Caprivi streek grensdiens gedoen . Daarna
paar maande in die staatsdiens gewerk en toe
in bemarkingsdienste betrokke geraak.

“Ek en Elmarie is in 1981 getroud. Ons het in
Pretoria gewoon en einde 1982 Stellenbosch
toe verhuis. Na ʼn paar jaar as restaurant-
bestuurder in Stellenbosch is ek weer terug in
bemarking as Finansiële Adviseur vir Bankorp in
Bellville. Aan die einde van 1989 het ons na die
Suidkus verhuis en ons in Uvongo gevestig. El-
marie se ouers het in Empangeni gewoon en sy
wou nader aan die familie wees.
“In 1991 aanvaar ek ʼn pos as assistent-
bestuur-der by 'n meubel-vervaardigingsfabriek
in Margate. In 1998 bedank ek en raak betrokke
in die IT-industrie. Ek het Margate.co.za web-
werf gebou in 1999 - die www was nog in embriostadium. Vanaf die jaar
2000 het ek web-, epos- en IT-dienste aan kliente gebied en hulle gediens
vir meer as 20 jaar. Huidig is ek nog steeds betrokke met die www, maar op
kleiner skaal.
―Aan die einde van 2016 het ons "Dodecagon Cabin" in die woud begin
bou en Februarie 2017 ingetrek. Vanaf die voorste dek, 6 meter in die lug,
het ons duikers, bosbokke, arende, valke, slange, spinnekoppe, ensovoorts
as ons bure en is baie gelukkig in die natuur. Ons kweek bietjie waterblom-
metjies en beoog om nog damme te bou en uit te brei. Onlangs het ek 'n
werkswinkel onder my ‗cabin‘ gebou waar ek houtwerk doen en ʼn paar meu-
belitems maak.
―Dr Mike het Elmarie gekontak en gevra of ek kan help om die kerk se
ou webwerf te herwin nadat die vorige webmeester oorlede is. Ek het toe
aangebied om 'n nuwe webwerf te bou en onderhou as my diens aan die
gemeente.‖
Die nuwe webwerf: ngkerk.margate.co.za

10