Page 13 - Korrels 2-2024 Herfs uitgawe

Middaggroep

Ons is ’n klein groepie dames wat deel uitmaak van die Vrouediens.
Elke tweede maand kom ons bymekaar op ‘n Donderdagmiddag
aan huis van Lorina Hart in Uvongo, of soms by ander lede se huise.
Ons poog om ons byeenkomste so informeel as moontlik te hou.
Meer soos ʼn geselsgroep om ʼn tafel.

Waar ons kan, probeer ons saam om diensbaar te wees, veral
met funksies soos die tee vir ʼn leraar se verjaarsdag, gemeente-etes,
seniorburger-ontbyt en tans die 50-jarige fees, soos in Prediker 4:9
staan: Twee is beter as een. Saam bereik hulle meer in hulle werk.
Ons help ook eenmaal per maand om ‘n bydrae te lewer aan die
voedselskema by Laerskool Suid-Natal.
Ons doen moeite om die basiese vreugdes van ons daaglikse lewe
met mekaar te deel. Ons deel dus graag in mekaar se lief en leed.

Hiermee dan ʼn hartlike uitnodiging aan alle dames in die gemeente
wat deel wil word van hierdie groep om ons te kontak.

Lorina Hart - voorsitter

Port Edwardgroep

Met groot entoesiasme gaan ons 2024 binne. Ons beplannings-
vergadering is reeds gehou. Ons padkafees gaan weer plaasvind
hierdie jaar. Almal word uitgenooi om dit te kom bywoon.
Hou die woordebord dop vir advertensies.
Met harte vol van blydskap kan getuig word dat die bywoning van
samekomste werklik elke keer groei. Die mense geniet die gesel-
skap en saamkuier rondom iets te ete wat aangebied word.
Daar word ook 'n uitstappie beplan om meer te leer oor bye en die
heuning wat hulle vir ons maak. Die gebruike van heuning se vele
aspekte sal aan ons verduidelik word.
Ons beplan 'n praktiese werksklas waar dames hulle kreatiwiteit
kan kom uitleef. Kom kyk gerus en skakel sommer by ons vroue-
diensgroep in. Ons is een groot familie waar ons die dames in totali-
teit wil verryk.
Esther Steyn - voorsitter.
13