Page 18 - flipbook Korrels 1-2025 Somer uitgawe

ALGEMENE VROUEDIENS

Op Saterdag, 19 Oktober, is ons Senior Burgers met ʼn heerlike
ontbyt by San Lameer trakteer. Onder die vaandel van die Vroue-
diensbestuur het Lucia die saal in “Alice in Wonderland” omskep, ds
Lerisa het met haar boodskap by die tema aangesluit, geskenkies is
kwistig uitgedeel en ons eie musikante se vertolking van Sonvanger
en Ek Lewe was baie spesiaal.
Nuwe intrekkers is op Sondag, 3 November, verwelkom. Namens
die Vrouediensbestuur nooi ek alle vrouelidmate (nuwe intrekkers EN
gevestigde vrouelidmate) om by een van die drie Vrouediensgroepe:
Port Edward-, Oggend- of Middaggroep in te skakel.

Ek wil graag die volgende Vrouediensdatums op die Gemeente
Kalender van 2025 uitlig:
1ste kwartaal: 22 Feb Vrouetee (alle gemeentevroue word
uitgenooi)
7 Mrt Wêreldbiddag vir Vroue
3de kwartaal: 30 Aug Markdag (enige lidmaat kan ʼn
tafel bespreek om selfvervaardigde
items te verkoop)
Namens die Vrouediensbestuur wens ek elke lidmaat ʼn baie
geseënde kersseisoen toe. Mag ons fokus op Jesus Christus wat
gebore is sodat ons elkeen die hoop op ʼn ewige lewe kan hê.

Annemie Oosthuysen (Voorsitter)
PORT EDWARD VROUEDIENS

Augustus was Vrouemaand. Ses van ons dames het die Vrouena-
week te Pietermaritzburg bygewoon. Wat ʼn belewenis! Ons beveel so
ʼn wegbreeknaweek ten sterkste aan.
Septembermaand het ds. Louis ons kom toespreek met die onder-
werp: “His Master’s Voice”. Tydens ons vergadering is ʼn nuwe
bestuur verkies met Anka Jordaan wat voor sal loop. Baie geluk en
sterkte aan jou en die nuwe span vir 2025. Ons Padkafee-afsluiting
was heerlik en almal het gesellig verkeer.
Ons afsluiting in Oktober was by Berry Crafty waar ʼn uitstekende
spyskaart aan ons voorgesit is. Die dames het geskenkies uitgeruil en
almal het dit vreeslik geniet.

Esther Steyn (082 325 1799)
18