Page 14 - flipbook Korrels 1-2025 Somer uitgawe

GEBEDSBEDIENING

Ons kwartaaltema vir 2025 is: Leef tot eer van God met GELOOFS-
GROEI en laat ons vashou aan die GELOOF wat ons bely. Heb 4:14.
Kom ons begin by die vraag: Hoe kry ek my GELOOF aan die gang?
Ons het verlede jaar ʼn paar preke van ds. Lerisa gehoor oor die
Tien Gebooie. Ons het dit ook by ons Bybelstudie behandel. Baie in-
teressant! Ek het dit as kind en jongmens net gesien as ʼn stel reëls..
jy mag nie.. jy mag nie..
Ek het eers op 24-jarige ouderdom, na my enigste suster se
selfdood, ʼn traktaatjie raakgeloop en so het die Volle Evangelie van
GOD SE ONEINDIGE LIEFDE VIR MY duidelik geword. Hierdie kort
gebed daarin, het my hele lewe radikaal verander.
“HERE JESUS, ek besef dat ek my eie lewe regeer en dat
ek teen U gesondig het. Ek maak nou die deur van my lewe vir U
oop en vra dat U my Verlosser en Heer word. Kom in my hart en
neem U die plek op in die troon van my lewe dat ek deur U regeer
mag word. Maak my asseblief die soort mens wat U wil
hê dat ek moet wees.”
Amen.

En toe begin my Vreugdefees. Dit was my eerste GELOOFSTAP-
PIE en nou kan ek deur God se Liefde en Genade GELOOFSGROEI
op vele maniere ondervind hier in Margate Gemeente. Vir my die
wonderlikste van alles: Ons kry gereeld uitnodigings om
hertoewyding aan die Here te doen … Elke kersie wat ons by die Stil
Nagmaal kan aansteek…. Elke gebed wat ons in geloof bid, waar ons
ook al is, bring ons nog nader aan die Vader.

Wil u nie asseblief, vir die eerste maal in jou lewe, of by herhaling,
dié gebed tot God bid nie? Die feesmaal saam met Jesus elke dag is
onbeskryflik heerlik!!
Ons is dankbaar vir die baie jare van Diedie Schoeman se getroue
rol by die gebedsbediening. Ons aanvaar dat hy verlos is van pyn en
lyding en rus by ons Hemelse Vader.
Dankie aan Pieter Conradie wat bereid is om
sameroeper te word vir die Margate omgewing.
Gebedsgroete,
Suzette en Pieter

14