Page 19 - flipbook Korrels 1-2025 Somer uitgawe

VROUEDIENS OGGENDGROEP

Gedurende die laaste byeenkoms van die jaar op die 18de Septem-
ber 2024, het ds. Lerisa met ons kom praat oor "Geloofsgewoontes".
Sy het vir ons vertel hoe om die Here te vind in ons alledaagse lewe
van wakker word, slaap, rus, werk, soektog, viering, herhaling en
stilte. Ons het elkeen ʼn stelletjie yskasmagnete gekry wat hierdie agt
geloofsgewoontes uitbeeld. Dit was so spesiaal.
Op die16de Oktober het ons ons afsluitingsfunksie by Larry's
restaurant gehad. Dit was ʼn vrolike "pienk" oggend. Ons het almal
pienk aangetrek met pienk versierings op die tafels. Dit was ʼn heer-
like ontbyt en lekker saamkuier geleentheid. Elkeen het ook ʼn bederf-
pakkie ontvang.
Ons sien opgewonde uit na die nuwe jaar wat voorlê. Die tema vir
die gemeente vir 2025 is: "Leef tot eer van God met Geloofsgroei."
Susan Grobler (082 419 3363)

VROUEDIENS MIDDAGGROEP

Die Middaggroep was verantwoordelik vir die tafelversierings vir dr.
Mike Heaney se afskeidsfunksie en het dit met groot geesdrif gedoen.
Al die Vrouediensgroepe het saamgewerk om die heerlike vinger-
happies voor te berei. Hierdie keer het ons egter ook een van die
manne, nl. Carel Killian, ingespan om te help om die tafels te versier,
wat hy dan ook met groot kundigheid gedoen het.
Ons fondsinsameling het ‘n hupstootjie gekry met die opbrengs van
die kniekombersieprojek wat R3400 opgelewer het. Ons sê dankie
aan Annemie wat die pragtige kombersie gebrei en geskenk het. Die
geld gaan aangewend word vir die bystand wat ons lewer aan
Laerskool Suid-Natal t.o.v. hulle voedingskema en aankoop van
skryfbehoeftes vir die minderbevoorregte kinders.

Ons is almal hartseer saam met Sarah Spies oor die afsterwe van
Abrie. Sarah was meer as 30 jaar betrokke by die aanvanklike
Aandgroep wat later die Middaggroep geword het. Sy was een van
die stigterslede.
Baie dankie vir u ondersteuning van ons 2024-projekte. Daar is al
weer ‘n hele paar in die pyplyn vir volgende jaar.
Hartlike Middaggroep groete,
Lorina Hart (083 412 1464)
19