Page 36 - flipbook Korrels 1-2025 Somer uitgawe

WIE IS EK?

Ek is ʼn loot in die wingerd

Ek is die egte druiwestok en my Vader is die landbouer.
2 Elke loot aan My wat nie vrug dra nie, sny Hy weg; maar elkeen wat
vrug dra, snoei Hy skoon, sodat dit meer vrug kan dra.
Joh. 15:1-2
2020-vertaling

Jesus was baie ingestel op die natuur en die lesse wat ons daaruit
kan leer. Hier sê Hy dat ons soos lote aan ʼn wingerd is. Hý is die
ware wingerdstok en sy Vader die landbouer. Wat is die taak van ʼn
loot aan die wingerd? Jesus spel dit uit:

· Die loot moet vrugdra. Jesus onderstreep dikwels die
belangrikheid van vrugdra. Drá dan die Gees-vrug wat bewys
dat God in jou werk: liefde, vrede, vreugde, geloof, geregtigheid,
ens.

· Die loot moet aan die wingerd bly. Dis immers die wingerd
wat die loot sy krag gee. Leef na aan die Here!

· Die loot moet gesnoei word. Laat die Here dus liefdevol in jou
lewe snoei, dis vir ons beswil!

Hemelse Vader, help my om inderdaad vir U vrug te dra. Help my
om vir dié doel in Christus te bly, by Hom, na aan Hom, en help my
om die snoeiskêr te verdra. Laat ek probeer verstaan wat dit is wat U
in my lewe wil bereik, sodat ek met U in die proses kan saamwerk.
Amen.

Daaglikse Stilte
info@jimileroux.com

36