Page 36 - Korrels 2-2024 Herfs uitgawe

WIE IS EK?

Ek is ʼn bidder

Volhard in gebed.
Wees waaksaam en dankbaar
as julle bid.
Bid terselfdertyd ook vir ons.
Kol. 4:2-3a (2020-vertaling)

Gebed is die wonderlike voorreg van elke kind van God.
Enige tyd, op enige plek, kan jy jou Vader in gebed nader.
Gebed is ons toevlug, ons hulp, ons rigting, ons krag.
Ons uitdaging is egter om beter bidders te word. Ons kan by-
voorbeeld leer, soos Paulus sê, om aan te hou bid vir ʼn saak,
om altyd gereed te wees om te bid, om elke dag dankie te sê, en
om nie net vir onsself te bid nie, maar ook vir ander in te tree.
Moet tog nie vergeet van gebed nie!
Bid deur jou dag, net waar jy is,
maar vind ook ’n plek en ’n tyd
waar jy gereeld met jou Vader kan ontmoet.
Ja, watter voorreg!
Hemelse Vader, dankie vir die voorreg van ʼn lewende en
kragtige verhouding met U. Dankie dat daar kommunikasie
tussen ons en U kan wees, lewegewende gesprek.
Ek wil meer bid, Here – help my daarmee!
Amen.

Jimi le Roux

Daaglikse Stilte
info@jimileroux.com

5115 WIE IS EK? #55
— 2024-01-26

36