Page 11 - Korrels 1-2024 Jubeljaar uitgawe

Vyftig jaar van genade

NG Gemeente Margate is die produk van ʼn droom van
sy lidmate van meer as ʼn halfeeu gelede, is gedra deur
die liefde en genade van God vir vyftig jaar van vreugde
en hartseer, hoogtepunte en laagtepunte, asook deur
verskille en samewerking, met ondersteuning van gemeentelede.
Die Nederduits Gereformeerde inwoners aan die Suidkus was
tot ʼn halfeeu gelede lidmate van Port Shepstone gemeente. Hierdie
Afrikaans-sprekende lidmate het so toegeneem, dat daar teen 1969
begin is met dienste in die Metodiste Kerk in Margate, waargeneem
deur twee predikante wat hier kom aftree het: Ds. Benade en Ds. de
Vries. Afstigting het ʼn droom geword.

Op 24 Februarie 1974 het die droom waar geword toe die Ring
van Port Shepstone bymekaarkom in Montclair. Ds. Willie Grové lees
uit Handelinge 9:20 voor oor Saulus wat direk na sy bekering in die
sinagoges in Damaskus begin preek. Hy wys daarop dat daar altyd ʼn
stryd is met die Bose, maar tog het die kerk van die Here te midde
van alles, vrede gehad. Na ʼn tyd van bespreking is besluit dat die ge-
meente Margate op Vrydag, 29 Maart 1974, om 19:30 sal afstig van
Port Shepstone met ʼn ledetal van 360 lidmate, almal woonagtig ten
suide van die Izotsharivier. Dit was vyftig jaar gelede! (Dr. Mike Kor-
rels Herfs uitgawe 2014)

Die afstigting was ʼn geloofsdaad. ʼn Groot persentasie gesinne
wat hulle in die Laer-Suidkusgebied kom vestig het, was ouer perso-
ne van pensioenouderdom. Inkomstes was gewoonlik ook nie ruim
nie. Die moedergemeente het haar dogter egter nie met leë hande
die wêreld ingestuur nie, maar met ʼn bruidskat van ʼn erf in Ramsgate
en ʼn huis, direk suid van die toekomstige kerk, as pastorie.
Van meet af aan het die gemeente finansieel swaar gekry. Toe
gebeur daar iets tragies wat later aanleiding gegee tot ʼn finansiële
uitkoms vir die gemeente. Tydens ʼn motorfietsongeluk in Bloemfon-
tein het ʼn 16-jarige seun, Callie Human, gesterf. Sy ouers, Barnie
en .... Human en gesin van Bloemfontein het hul vakansies by die see
in hul eiendom in Ramsgate deurgebring. Hulle het besluit om, in
plaas van ʼn grafsteen ter nagedagtenis aan wyle Callie, ʼn kerkgebou
vir die gemeente Margate te finansier. Barnie het die planne vir die
kerk laat optrek. Dit was ʼn hoog gewaardeerde gebaar. Die kerkge-
bou is op 28 September 1974 ingewy.

11