Page 16 - Korrels 1-2024 Jubeljaar uitgawe

Die funksionering

van die gemeente

NG Gemeente Margate funksioneer binne die kerkorde van die
NG Kerk. Dit is gegrond op die Bybel as die heilige en onfeilbare
Woord van God, saamgebind deur ons geloof in die drie-enige
God en die erkenning dat Jesus Christus die Hoof van die Kerk
is.
Met die Kerkorde en wat daarmee saamgaan, gee die Algeme-
ne Sinode leiding om op kerkordelike wyse uiting te gee aan die
kerk se missionale roeping. Die gemeente steun sterk daarop,
want dit hou ons staande in die strome wat soms poog om ons
uitmekaar te dryf.
——————————————————————

Die werksaamhede van die kerk

Die missie van die drie-enige God (Vader, Seun en Heilige Gees)
is om lewe en volheid aan die wêreld te gee.
Die kerk is in diens van hierdie missie van God.
Só laat Hy sy koninkryk kom.

Die roeping van die kerk in sy gestuurdheid
na die wêreld (Missio Dei) impliseer
die toegewyde dienswerk van elke gelowige.

Elke gelowige ontvang van die Here die gawes,
die geleenthede en die krag van sy Gees
om in hulle daaglikse lewe gestalte te gee
aan God se liefde vir hierdie wêreld.

NG Gemeente Margate
lewer die afgelope 50 jaar sy diens aan God
deur die vrywillige werksaamhede van gelowiges,
saam in verskeie groepe
waar hulle die geleentheid kry
om hul Godgegewe talente tot sy eer te benut
en die missie uit te leef,
in dankbaarheid teenoor God
vir sy liefde vir hierdie wêreld.

16