Page 29 - Korrels Winter uitgawe 3-2025

Ses maande is verby, Here.
Ek dank U vir alles wat ek kon bereik,
vir alles wat ek kon doen.
Ek dank U dat ek ook in hierdie ses maande
goed kon doen aan my medemens.
Ek dank U dat ek U kon liefhê
en dat U my ook liefgehad het.
Ek wil U vra om die laaste ses maande
van hierdie jaar ook vir my sinvol te maak.
Gee my die insig om elke situasie
te kan hanteer.

Bewaar my van hoogmoed en eersug.
Hou my ʼn eg nederige mens
sonder aangeplakte vroomheid
en skynheiligheid.
Laat u werk nie deur my toedoen
skade ly nie.
Laat ek vir niemand ʼn struikelblok wees nie.
Hou my naby aan U.

Amen

Ferdinand Deist
Met God vandag
LUX VERBI.BM

29