Here, God en Vader van ons Here Jesus Christus,
ons dank en eer U vir die groot wolk van getuies
wat ons in die loop van die afgelope vyftig jaar
voorgegaan het in U kerk,
NG Gemeente Margate.
Nou moet ons self die toekoms baan.
Lei ons soos ons voorgangers, om U,
Jesus Christus ons Leidsman en Verlosser,
te bly volg.
U Is die Alfa en die Omega.
Vul ons met u Gees
en laat ons as kerk, U kerk,
hier aan die Suidkus van KwaZulu-Natal
steeds U ligdraers en getuies wees.
Bring deur Jesus Christus
in ons as gemeente, tot stand
wat vir U aanneemlik is.
Verhoor ons gebede, Here, in Jesus naam.
Amen
_Anoniem