Kersboodskap 2023 uit Kerstraat Pastorie
Dit is hierdie jaar die agtiende Kersfees wat ons as leraarspaar van Kerkstraatpastorie ons Kersgroete-boodskap aan die NG Gemeente Margate uitstuur. Hoe het die tyd nie gevlieg nie? Ure, dae, maande jare vloei ineen. Kersfees is ‘n tyd van liefde, omgee en ontvang. Dankie vir al die liefde en omgee wat ons kon ontvang en uitdeel oor die jare.
Al verander alles, Jesus Christus is gister, vandag en more dieselfde en tot in alle ewigheid. Hy is die Koning aan wie die herders en die wyses kom hulde bewys het. bring aan Hom hulde deur jouself opnuut hierdie Kersfeees as ‘n lewende offer in Sy diens te stel.
Geseende Kersfees
Dr. Mike en Jennie

Kersboodskap 2023 uit Alanstraat Pastorie
Liefste vriende,
Geseende Kersfees en voorspoedige nuwe jaar!
Wanneer ons dink aan Christus se geboorte, dink ons aan die nuwe tyd wat aangebreek het met Christus se koms. ‘n Tyd waar ons almal kan weet dat Christus ons Verlosser is. Hy is immers genoem Immanuel – God met ons.
Mag ons in hierdie tyd mekaar liefhe, ondersteun en in vrede leef. Mag ons ook in die komende jaar verryk word met vreugde en blydskap waar ons ons halfeeu-fees vier. Wanneer ons dan terugdink aan lidmate van lank terug, mag ons ook met hoop uitsien na die nuwe lidmate wat ons nog sal ontmoet. Mag ons deur alle tye God se getrouheid onthou. Mag ons uitsien na nog ‘n jaar in ons gemeente.
Liefde
Ds. Lerisa & Handre